MOEP

နောက်ဆုံးရသတင်း

အထက်ရဲရွာရေအားလျှပ်စစ်စီမံကိန်း၏ လုပ်ငန်းဆောင်ရွက်မှုအခြေအနေများအား ပြည်ထောင်စုဝန်ကြီး ဦးဝင်းခိုင် သွားရောက်ကြည့်ရှုစစ်ဆေး

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်သည် ဒုတိယဝန်ကြီး ဒေါက်တာ ထွန်းနိုင်၊ အမြဲတမ်းအတွင်းဝန် ဦးတင်မောင်ဦးနှင့် ဌာနဆိုင်ရာ တာဝန်ရှိသူများ လိုက်ပါလျက် ၂၀၁၉ ခုနှစ်၊ မေလ ၄ ရက်နေ့ ၊ နံနက်ပိုင်းတွင် ရှမ်းပြည်နယ်(မြောက်ပိုင်း)၊ ကျောက်မဲမြို့၏ တောင်ဘက် မိုင် (၂၀) ခန့်အကွာ ဒုဋ္ဌဝတီမြစ် (မြစ်ငယ်မြစ်)ပေါ်တွင် ရေအား လျှပ်စစ်အကောင်အထည်ဖော်ရေးဦးစီးဌာန၊ အမှတ်(၃)တည်ဆောက်ရေးမှ အကောင်အထည်ဖော် ဆောင်ရွက်လျက်ရှိသည့် အထက်ရဲရွာရေအား လျှပ်စစ်စီမံကိန်း၏ လုပ်ငန်းဆောင်ရွက်နေမှု အခြေအနေများအား သွားရောက်ကြည့်ရှုစစ်ဆေးခဲ့ပါသည်။

Posted under : ဝန်ကြီးရုံး
: 04-May-2019

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင် ရှမ်းပြည်နယ်(တောင်ပိုင်း) အတွင်း လျှပ်စစ်ဓာတ်အားဖြန့်ဖြူးမှုအခြေအနေနှင့် မန္တလေးတိုင်းဒေသကြီး၊ သာစည်မြို့နယ်ရှိ ရေပေါင်းဆုံပင်မဓာတ်အားခွဲရုံအား ကြည့်ရှုစစ်ဆေး

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်သည် ဌာနဆိုင်ရာ တာဝန်ရှိသူများလိုက်ပါလျက် ၂၀၁၉ ခုနှစ်၊ ဧပြီလ ၃၀ ရက်နေ့ ညနေပိုင်းတွင် ရှမ်းပြည်နယ် (တောင်ပိုင်း) အတွင်း လျှပ်စစ်ဓာတ်အားဖြန့်ဖြူးမှုအခြေအနေနှင့် ကလောမြို့နယ်ရှိ လျှပ်စစ် ဓာတ်အားပို့လွှတ်ရေးနှင့် ကွပ်ကဲရေးဦးစီးဌာန၊ ကလောပင်မဓာတ်အားခွဲရုံနှင့် ၂၀၁၉ ခုနှစ်၊ မေလ(၁)ရက်နေ့ မွန်းလွဲပိုင်းတွင် မန္တလေးတိုင်းဒေသကြီး၊ သာစည်မြို့နယ်ရှိ လျှပ်စစ်ဓာတ်အား ပို့လွှတ်ရေးနှင့်ကွပ်ကဲရေးဦးစီးဌာန၊ ရေပေါင်းဆုံပင်မဓာတ်အားခွဲရုံတို့သို့ သွားရောက် ကြည့်ရှု စစ်ဆေးခဲ့ပါသည်။

Posted under : ဝန်ကြီးရုံး
: 02-May-2019

လျှပ်စစ်နှင့်စွမ်းအင်ဝန်ကြီးဌာနနှင့် အမျိုးသားလျှပ်စစ်ဓာတ်အားရရှိရေးစီမံကိန်း၏ ရန်ကုန် တိုင်းဒေသကြီးအတွက် C1-W10 ၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ရခိုင်ပြည်နယ်၊ ရှမ်းပြည်နယ်(မြောက်ပိုင်း) ၊ ကရင်ပြည်နယ်နှင့် မွန်ပြည်နယ်တို့အတွက် C1-W12 နှင့် မန္တလေးတိုင်းဒေသကြီး (အစားထိုးကျေးရွာများ)အတွက် C1-W14 တို့အတွက် တည်ဆောက်ရေး လုပ်ငန်း တင်ဒါ အောင်မြင်သည့်ကုမ္ပဏီ (၆) ခုတို့အကြား တည်ဆောက်ရေး လုပ်ငန်းအပ်နှံသည့် စာချုပ် လက်မှတ်ရေးထိုးပွဲအခမ်းအနား ကျင်းပ

လျှပ်စစ်နှင့်စွမ်းအင်ဝန်ကြီးဌာန လျှပ်စစ်ဓာတ်အားဖြန့်ဖြူးရေးလုပ်ငန်းနှင့် ကမ္ဘာ့ဘဏ် ချေးငွေဖြင့် ဆောင်ရွက်လျက်ရှိသည့် အမျိုးသားလျှပ်စစ်ဓာတ်အားရရှိရေး စီမံကိန်း ရန်ကုန် တိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ ရခိုင်ပြည်နယ်၊ ရှမ်းပြည်နယ်(မြောက်ပိုင်း)၊ ကရင်ပြည်နယ် နှင့် မွန်ပြည်နယ်အတွင်းရှိ ကျေးရွာ စုစုပေါင်း (၅၉၀) ရွာအတွက် ဓာတ်အားလိုင်း၊ ထရန်စဖော်မာ တည်ဆောက်ရေးလုပ်ငန်း တင်ဒါ အောင်မြင်သည့် ကုမ္ပဏီများနှင့် လုပ်ငန်းအပ်နှံသည့်စာချုပ် လက်မှတ်ရေးထိုးပွဲအခမ်းအနားကို ၂၀၁၉ ခုနှစ်၊ ဧပြီလ (၃၀) ရက်နေ့ (၁၁:၃၀) နာရီအချိန်တွင် နေပြည်တော်ရှိ လျှပ်စစ်နှင့် စွမ်းအင်ဝန်ကြီးဌာန၊ ဝန်ကြီးရုံးအစည်းအဝေးခန်းမ၌ ကျင်းပပြုလုပ်ခဲ့ပါသည်။

Posted under : ဝန်ကြီးရုံး
: 30-Apr-2019

ကျောက်ဖြူ သဘာဝဓာတ်ငွေ့သုံးလျှပ်စစ်ဓာတ်အားပေးစက်ရုံစီမံကိန်းအတွက် လျှပ်စစ်ဓာတ်အားဝယ်ယူရေးစာချုပ်ချုပ်ဆိုရန် ညှိုနှိုင်းဆွေးနွေးမှုများ ပြီးမြောက်ကြောင်း အသိအမှတ်ပြု စာချွန်လွှာလက်မှတ်ရေးထိုးပွဲ အခမ်းအနားကျင်းပပြုလုပ်

ဒုတိယအကြိမ်ရပ်ဝန်းနှင့် ပိုးလမ်းမစီမံကိန်းဆိုင်ရာ စကားဝိုင်းဆွေးနွေးပွဲများသို့ တက်ရောက်ရန် တရုတ်ပြည်သူ့သမ္မတနိုင်ငံပေကျင်းမြို့သို့ ရောက်ရှိနေသော လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်သည် ၂ဝ၁၉ ဧပြီလ ၂၈ ရက် နေ့လည်တွင် ပေကျင်းမြို့ Shangrila Hotel တွင်ကျင်းပပြုလုပ်သော ကျောက်ဖြူ သဘာဝဓာတ်ငွေ့သုံး လျှပ်စစ်ဓာတ်အားပေးစက်ရုံစီမံကိန်းအတွက် လျှပ်စစ်ဓာတ်အားဝယ်ယူရေးစာချုပ်ချုပ်ဆိုရန် ညှိုနှိုင်း ဆွေးနွေးမှုများ ပြီးမြောက်ကြောင်း အသိအမှတ်ပြု စာချွန်လွှာလက်မှတ်ရေးထိုးပွဲ အခမ်းအနားသို့ တက်ရောက်ပါသည်။

Posted under : ဝန်ကြီးရုံး
: 28-Apr-2019

DSEZ ကော်မတီဥက္ကဋ္ဌမှ ထားဝယ်အထူးစီးပွားရေးဇုန်စီမံကိန်းသို့ သွားရောက်စစ်ဆေးသည့်သတင်း

ထားဝယ်အထူးစီးပွားရေးဇုန်စီမံခန့်ခွဲမှုကော်မတီ ဥက္ကဌ ဒေါက်တာထွန်းနိုင်သည် (၂၃-၄-၂၀၁၉) ရက်နေ့ နေ့လည်ပိုင်းတွင် ထားဝယ်အထူးစီးပွားရေးဇုန်စီမံခန့်ခွဲမှုကော်မတီ အတွင်းရေးမှူး ဒေါက်တာတင်ထူးနိုင်၊ ထားဝယ်အထူးစီးပွားရေးဇုန် စီမံခန့်ခွဲမှုကော်မတီ ဝင်များနှင့် အတူ ထားဝယ်အထူးစီးပွားရေးဇုန်မှ မြန်မာ-ထိုင်းနယ်စပ် ထီးခီးသို့ ထိုင်းနိုင်ငံ NEDA မှ ချေးငွေရယူကာ အဆင့်မြှင့်တင်ဖောက်လုပ်မည့် ၂-လမ်းသွားကတ္တရာကားလမ်း တည်ဆောက်ရေးအတွက် လေ့လာဆန်းစစ်နေမှုအခြေအနေများအားသိရှိနိုင်ရန်အတွက် မိုင်တိုင်အမှတ် ၁၆/၅ ဖာလုံတွင် ဆောက်လုပ်ရေးဝန်ကြီးဌာန လမ်းဉီးစီးဌာနမှ ညွှန်ကြားရေးမှူး ဉီးသက်ဇော်ဝင်းနှင့် အဖွဲ့အားတွေဆုံခဲ့ပြီး လေ့လာဆန်းစစ်မှု အခြေ အနေများ လက်ရှိဖြစ်ပေါ်တိုးတက်မှုများ အားတွေ့ဆုံမေးမြန်းခဲပါသည်။

Posted under : ဝန်ကြီးရုံး
: 24-Apr-2019

The Republic of the union of myanmar

MINISTRY OF ELECTRIC POWER

Total visitors

နောက်ဆုံးရသတင်း

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

လျှပ်စစ်စွမ်းအားဝန်ကြီးဌာန ဝန်ထမ်းမိသားစု စုပေါင်းထမနဲထိုးပြိုင်ပွဲ ကျင်းပပြုလုပ်သည့်သတင်း

Electric Power

Total visitors