MOEP

နောက်ဆုံးရသတင်း

လျှပ်စစ်နှင့်စွမ်းအင်ကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့၏ ဒုတိယအကြိမ်အစည်းအဝေး ကျင်းပပြုလုပ်သည့်သတင်း

လျှပ်စစ်နှင့်စွမ်းအင်ကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့၏ ဒုတိယအကြိမ် အစည်းအဝေး ကို ၂၀၁၈ ခုနှစ်၊ ဖေဖော်ဝါရီလ ၂၁ ရက်နေ့၊ ၁၃:၀၀ နာရီအချိန်တွင် လျှပ်စစ်နှင့်စွမ်းအင်ဝန်ကြီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါအစည်းအဝေးသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ ဒုတိယဝန်ကြီး ဒေါက်တာထွန်းနိုင်၊ အမြဲတမ်းအတွင်းဝန် ဦးတင်မောင်ဦး၊ ဦးစီးဌာန/လုပ်ငန်း/ကော်ပိုရေးရှင်းများမှ ဥက္ကဋ္ဌများ၊ ညွှန်ကြားရေးမှူးချုပ်များနှင့် ဦးဆောင်ညွှန်ကြားရေးမှူးများ၊ ဌာနဆိုင်ရာအကြီးအကဲ များ၊ နိုင်ငံတကာသံရုံးများမှ တာဝန်ရှိသူများ၊ သက်ဆိုင်ရာဝန်ကြီးဌာနများမှ ကိုယ်စားလှယ်များ၊ ဖွံ့ဖြိုးမှုမိတ်ဖက်အဖွဲ့ အစည်းများနှင့် ဘဏ္ဍာရေးဆိုင်ရာအဖွဲ့အစည်းများမှ ကိုယ်စားလှယ်များ တက်ရောက်ခဲ့ ကြပါသည်။

Post under by : ဝန်ကြီးရုံး
: 21-Feb-2018

ရေနံလက်ယက်တွင်းတိမ်များရှာဖွေ တူးဖော် ထုတ်လုပ်ခွင့်ပြုမိန့်(အသစ်) နှင့် (သက်တမ်းတိုး) များ ထုတ်ပေးလျက်ရှိခြင်းအား သတင်းထုတ်ပြန်ခြင်း

လျှပ်စစ်နှင့်စွမ်းအင်ဝန်ကြီးဌာနသည် ဒေသတွင်းစွမ်းအင်ဖူလုံရေးနှင့် အလုပ်အကိုင် အခွင့်အလမ်းများရရှိရေးရည်ရွယ်၍ ရေနံလက်ယက်တွင်းတိမ်များ ရှာဖွေ တူးဖော် ထုတ်လုပ် ခြင်းလုပ်ငန်း လုပ်ကိုင်ခွင့်အား စိစစ်ခွင့်ပြုထုတ်ပေးလျက်ရှိပါသည်။ ထိုသို့ ခွင့်ပြုပေးရာတွင် သက်ဆိုင်ရာတိုင်းဒေသကြီး/ ပြည်နယ်အစိုးရအဖွဲ့များမှ စည်းကမ်းသတ်မှတ်ချက်ဖြင့် ကိုက်ညီ စွာ ထောက်ခံတင်ပြလာသည့် လျှောက်လွှာများကို လျှပ်စစ်နှင့်စွမ်းအင်ဝန်ကြီးဌာနမှ လုပ်ထုံး လုပ်နည်းများနှင့်အညီ ထပ်မံစိစစ်၍ ခွင့်ပြုမိန့်များ ထုတ်ပေးခြင်းပါသည်။ လျှပ်စစ်နှင့်စွမ်းအင် ဝန်ကြီးဌာနအနေဖြင့် ၂၀၁၈ ခုနှစ်အတွက် သက်ဆိုင်ရာတိုင်းဒေသကြီးအစိုးရအဖွဲ့တို့မှ ထောက်ခံတင်ပြလာသည့် လုပ်ကွက်များအနက် သတ်မှတ်စည်းကမ်းများနှင့်ကိုက်ညီသော ပူးတွဲပါလုပ်ကွက်များဖြစ်သည့် မကွေးတိုင်းဒေသကြီးအတွင်း ရေနံလက်ယက်တွင်းတိမ်များရှာဖွေ တူးဖော် ထုတ်လုပ်ခွင့်ပြုမိန့် (သက်တမ်းတိုး) လုပ်ကွက် ၁၉ ကွက်၊ (အသစ်)လုပ်ကွက် ၁၂ ကွက် စုစုပေါင်းလုပ်ကွက် ၃၁ ကွက် နှင့် မန္တလေးတိုင်းဒေသကြီးအတွင်း ခွင့်ပြုမိန့်(သက်တမ်းတိုး) လုပ်ကွက် ၁ ကွက် တို့ကို ခွင့်ပြုမိန့်များ ထုတ်ပေးလျက်ရှိပါကြောင်း သတင်းထုတ်ပြန်အပ်ပါသည်။

Post under by : မြန်မာ့ရေနံနှင့်သဘာဝဓာတ်ငွေ့လုပ်ငန်း(MOGE)
: 19-Feb-2018

လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီး ဦးဝင်းခိုင် တနင်္သာရီတိုင်းဒေသကြီးအတွင်း လျှပ်စစ်နှင့်စွမ်းအင်ကဏ္ဍဆိုင်ရာလုပ်ငန်းများအား ကြည့်ရှုစစ်ဆေးသည့်သတင်း

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်သည် ဒုတိယဝန်ကြီး ဒေါက်တာထွန်းနိုင်နှင့် တာဝန်ရှိသူများ လိုက်ပါလျက် ၂၀၁၈ ခုနှစ်၊ ေဖေဖာ်ဝါရီလ ၁၇ ရက်နေ့တွင် တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့သို့ ရောက်ရှိပြီး ဆောက်လုပ်ရေးဝန်ကြီးဌာန၊ ရိပ်သာတွင် တနင်္သာရီတိုင်းဒေသကြီး၊ ဝန်ကြီးချုပ်ေဒါက်တာလဲ့လဲ့မော်၊ တိုင်းဒေသကြီးအစိုးရအဖွဲ့ဝင် ဝန်ကြီး များနှင့် တာဝန်ရှိသူများအားတွေ့ဆုံပြီး တိုင်းဒေသကြီးအတွင်း ဆောင်ရွက်မည့် လျှပ်စစ်နှင့်စွမ်းအင် ကဏ္ဍဆိုင်ရာ ဖွံဖြိုးတိုးတက်ရေးလုပ်ငန်းများနှင့်ပတ်သတ်၍ ဆွေးနွေးပြောကြားရာတွင် မြိတ်ဒေသ တွင် စီးပွားရေးလုပ်ငန်းများဆောင်ရွက်ရန် အခွင့်အလမ်းများရှိသော်လည်း လျှပ်စစ်မီးမရရှိသည့် အတွက် လုပ်ငန်းများမဆောင်ရွက်နိုင်ကြောင်း၊ စီပွားရေးလုပ်ငန်းများဆောင်ရွက်နိုင်ရန် လမ်းပန်း ဆက်သွယ်ရေး ကောင်းမွန်ရေးနှင့် လျှပ်စစ်မီးရရှိရေးသည် အရေးကြီးပါကြောင်း၊ လျှပ်စစ်မီးမရရှိ၍ ရေထွက်ကုန်ပစ္စည်းများကို ထိုင်းနိုင်ငံသို့တင်ပို့ရပါကြောင်း၊ ထို့ကြောင့် မြိတ်ဒေသကို နိုင်ငံတော် ဓာတ်အားစနစ်မှ လျှပ်စစ်ဓာတ်အားရရှိအသုံးပြုနိုင်အောင် ဆောင်ရွက်ပေးသွားမည်ဖြစ်ကြောင်း၊ ဓာတ်အားလိုင်းများနှင့် ဓာတ်အားခွဲရုံများကို တည်ဆောက်အကောင် အထည်ဖော်ဆောင်ရွက်သွားမည် ဖြစ်ကြောင်း၊ လျှပ်စစ်မီးရရှိလာပါက စီပွားရေးလုပ်ငန်များလည်း ဖွံ့ဖြိုးတိုးတက်လာမှာဖြစ်ကြောင်း၊ သို့မှသာ ဒေသခံပြည်သူများ၏ အလုပ်အကိုင်အခွင့်အလမ်းများလည်း ရရှိလာပြီး လူမှု စီးပွားဘဝဖွံ့ဖြိုးတိုးတက်လာ ဖြစ်ပါကြောင်း၊ ထို့ကြောင့် တနင်္သာရီတိုင်းဒေသကြီးအနေဖြင့် နိုင်ငံတော်ဓာတ်အားစနစ်မှ လျှပ်စစ်ဓာတ်အားအမြန်ဆုံးရရှိပြီး အသုံးပြုနိုင်ရေး ကြိုးပမ်းဆောင်ရွက်ပေးသွားမည်ဖြစ်ပါကြောင်း ပြောကြားပါသည်။

Post under by : ဝန်ကြီးရုံး
: 18-Feb-2018

တက္ကသိုလ်ဝင်စာမေးပွဲ ဖြေဆိုနေစဉ်ကာလအတွင်း လျှပ်စစ်ဓာတ်အား မပြတ်တောက်စေရေး စီမံဆောင်ရွက်ထားရှိမှုများနှင့်ပတ်သက်သည့် လုပ်ငန်းညှိနှိုင်းအစည်းအဝေး ကျင်းပပြုလုပ်သည့်သတင်း

တက္ကသိုလ်ဝင်စာမေးပွဲ ဖြေဆိုနေစဉ်ကာလအတွင်း လျှပ်စစ်ဓာတ်အားမပြတ်တောက်စေရေး စီမံဆောင်ရွက်ထားရှိမှုများနှင့်ပတ်သက်သည့် လုပ်ငန်းညှိနှိုင်းအစည်းအဝေးကို ၂၀၁၈ ခုနှစ်၊ ဖေဖော်ဝါရီလ ၁၆ ရက်နေ့၊ နံနက် ၀၈:၃၀ နာရီအချိန်တွင် လျှပ်စစ်နှင့်စွမ်းအင်ဝန်ကြီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါလုပ်ငန်းညှိနှိုင်းအစည်းအဝေးသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စု ဝန်ကြီး ဦးဝင်းခိုင်၊ ဒုတိယဝန်ကြီး ဒေါက်တာထွန်းနိုင်၊ အမြဲတမ်းအတွင်းဝန် ဦးတင်မောင်ဦး၊ ဦးစီးဌာန/ လုပ်ငန်း/ကော်ပိုရေးရှင်းများမှ ဥက္ကဋ္ဌများ၊ ညွှန်ကြားရေးမှူးချုပ်များနှင့် ဦးဆောင်ညွှန်ကြားရေးမှူးများ၊ ဌာနဆိုင်ရာအကြီးအကဲများ၊ တိုင်းဒေသကြီးနှင့်ပြည်နယ်တို့မှ တိုင်းဒေသကြီး/ပြည်နယ် လျှပ်စစ် အင်ဂျင်နီယာများနှင့် တာဝန်ရှိသူများ တက်ရောက်ခဲ့ကြပါသည်။

Post under by : ဝန်ကြီးရုံး
: 16-Feb-2018

လျှပ်စစ်နှင့်စွမ်းအင်ဝန်ကြီးဌာန၊ သတင်းထုတ်ပြန်ခြင်း(၂/၂၀၁၈)အခမ်းအနား

သတင်းထုတ်ပြန်ခြင်း(၂/၂၀၁၈)အခမ်းအနားကို လျှပ်စစ်နှင့်စွမ်းအင်ဝန်ကြီးဌာန၊ ရုံးအမှတ်(၂၇)၊ နေပြည်တော်၌ ယနေ့နံနက် ၁၀ နာရီတွင် ကျင်းပပြုလုပ်ခဲ့ရာ အခမ်းအနား၌ အပူစွမ်းအင်သုံးစက်ရုံများ ဌာန၊ ဓာတ်အားပေးစက်ရုံစီမံကိန်းများအခြေအနေ တက္ကသိုလ်ဝင်တန်းစာမေးပွဲကာလအတွင်း ဓာတ်အား ပြတ်တောက်မှုမရှိစေရေးအတွက် ဆောင်ရွက်နေမှုအခြေအနေ၊ ရန်ကုန်တိုင်းဒေသကြီး၊ ဒလမြို့နယ်၊ တယောတန်းကျေးရွာအုပ်စုရှိ ကွင်းအမှတ်(၁၀၁) လယ်မြေအတွင်း ရေတုံကင်တွင်းတူးဖော်ရာမှ ဓာတ်ငွေ့ စိမ့်ထွက်မှုအား လေ့လာခဲ့မှုအခြေအနေ၊ မြန်မာ့ရေနံနှင့်သဘာဝဓာတ်ငွေ့လုပ်ငန်းမှ ၂၀၁၇-၂၀၁၈ ဘဏ္ဍာရေးနှစ်အတွင်း ငွေလုံးငွေရင်းအသုံးစရိတ်ဖြင့် ဆောင်ရွက်လျက်ရှိသည့် ပိုက်လိုင်းလုပ်ငန်းများ ဆောင်ရွက်မှုအခြေအနေ ရန်ကုန်တိုင်းဒေသကြီး၊ ဒဂုံမြို့သစ်အရှေ့ပိုင်း၊ 66 kV ဒဂုံအရှေ့စက်မှုဇုန် ဓာတ်အားခွဲရုံအမှတ်(၁)တွင် 66/11-6.6 kV, 30 MVA Transformer နှင့် Incoming Switch Bay (၁)စုံ တည်ဆောက်တပ်ဆင်ခြင်းလုပ်ငန်း ပြီးစီးပြီဖြစ်သဖြင့် အများပြည်သူများ လျှပ်စစ်ဓာတ်အား ပိုမိုတိုးတက်ရရှိပြီး ဗို့အားပြည့်ဝစွာ အသုံးပြုနိုင်မှုအခြေအနေ တိုင်းဒေသကြီး/ ပြည်နယ်များတွင် ၂၀၁၈ခုနှစ် ဇန်နဝါရီလအတွင်း ဓာတ်အားပျောက်ဆုံးမှု လျော့နည်းရေးနှင့် တရားမဝင်မီတာ ကွင်းဆင်း စစ်ဆေးဆောင်ရွက်မှုအခြေအနေများနှင့်စပ်လျဉ်း၍ သတင်းထုတ်ပြန်ခဲ့ပါသည်။

Post under by : ဝန်ကြီးရုံး
: 15-Feb-2018

The Republic of the union of myanmar

MINISTRY OF ELECTRIC POWER

Total visitors

နောက်ဆုံးရသတင်း

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

လျှပ်စစ်စွမ်းအားဝန်ကြီးဌာန ဝန်ထမ်းမိသားစု စုပေါင်းထမနဲထိုးပြိုင်ပွဲ ကျင်းပပြုလုပ်သည့်သတင်း

Electric Power

Total visitors