MOEP

နောက်ဆုံးရသတင်း

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင် မြန်မာ့ရေနံနှင့်သဘာဝဓာတ်ငွေ့ လုပ်ငန်းနှင့် အကျိုးတူပူးပေါင်းဆောင်ရွက်လျက်ရှိသော ထိုင်းနိုင်ငံ၊ ဘန်ကောက်မြို့ရှိ PTTEP ကုမ္ပဏီ ရုံးချုပ် တွင် ကုမ္ပဏီမှ တာဝန်ရှိသူများနှင့် တွေ့ဆုံဆွေးနွေးသည့်သတင်း

ထိုင်းနိုင်ငံ၊ ဘန်ကောက်မြို့တွင် ကျင်းပပြုလုပ်သည့် 2nd Asian and Pacific Energy Forum သို့တက်ရောက်ရန် ရောက်ရှိနေသည့် လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင် ဦးစီးသော မြန်မာကိုယ်စားလှယ်အဖွဲ့သည် ဧပြီလ ၅ ရက်နေ့ မွန်းလွဲပိုင်းက မြန်မာ့ရေနံနှင့် သဘာဝဓာတ်ငွေ့လုပ်ငန်းနှင့် အကျိုးတူပူးပေါင်းဆောင်ရွက်လျက်ရှိသော PTTEP ကုမ္ပဏီရုံးချုပ်သို့ ရောက်ရှိခဲ့ရာ တာဝန်ရှိသူများက ကြိုဆိုပြီး ရှင်းလင်းခန်းမတွင် PTTEP ကုမ္ပဏီ၏ ရေနံနှင့် သဘာဝဓာတ်ငွေ့ရှာဖွေတူးဖော်ထုတ်လုပ် ဆောင်ရွက်နေမှုအခြေအနေများကို ရှင်းလင်းတင်ပြခဲ့ ပါသည်။ ထို့နောက် ပြည်ထောင်စုဝန်ကြီးနှင့်အဖွဲ့အား Sub Surface Data Management System အား ရှင်းလင်းတင်ပြရာ ပြည်ထောင်စုဝန်ကြီးမှလည်း မြန်မာ့ရေနံနှင့်သဘာဝဓာတ်ငွေ့ လုပ်ငန်း၏ Data Management System အား အဆင့်မြှင့်တင်ဆောင်ရွက်ရန် အစီအစဉ်များကို ပြန်လည် ဆွေးနွေးခဲ့ပါသည်။

Post under by : ဝန်ကြီးရုံး
: 05-Apr-2018

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင် ထိုင်းနိုင်ငံ၊ ဘန်ကောက်မြို့ ကုလသမဂ္ဂ ဒေသဆိုင်ရာရုံးတွင် ကျင်းပပြုလုပ်သည့် 2nd Asian and Pacific Energy Forum သို့ တက်ရောက် သည့်သတင်း

United Nations Economic and Social Commission for Asia and the Pacific (UNESCAP) နှင့် ထိုင်းနိုင်ငံစွမ်းအင်ဝန်ကြီးဌာနတို့မှ ကြီးမှူး၍ ဧပြီလ ၃ ရက်နေ့မှ ၅ ရက်နေ့အတွင်း ထိုင်းနိုင်ငံ၊ ဘန်ကောက်မြို့ ကုလသမဂ္ဂဒေသဆိုင်ရာရုံးတွင် ကျင်းပပြုလုပ်မည့် 2nd Asian and Pacific Energy Forum သို့ တက်ရောက်ရန်ရောက်ရှိနေသော လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင် ဦးစီးသော မြန်မာကိုယ်စားလှယ်အဖွဲ့သည် ယနေ့နံနက်ပိုင်းတွင် ကုလသမဂ္ဂဒေသဆိုင်ရာရုံး တွင်ကျင်းပသည့် Forum သို့ တက်ရောက်ခဲ့ပါသည်။

Post under by : ဝန်ကြီးရုံး
: 04-Apr-2018

နေပြည်တော်ကောင်စီနယ်မြေအတွင်း မိုးသက်လေပြင်းတိုက်ခတ်မှုကြောင့် ဓာတ်အားလိုင်း၊ ဓာတ်တိုင် လဲပြိုကျမှုများကို ပြုပြင်ဆောင်ရွက်နေမှုများအား လျှပ်စစ်နှင့်စွမ်းအင်ဝန် ကြီးဌာန၊ ဒုတိယဝန်ကြီးမှ လှည့်လည် ကြည့်ရှုစစ်ဆေးခဲ့သည့်သတင်း

ပြည်ထောင်စုနယ်မြေ၊ နေပြည်တော်အတွင်းရှိ ဇမ္ဗူသီရိမြို့နယ်၊ ဥတ္တရသီရိမြို့နယ်၊ ပုဗ္ဗသီရိမြို့နယ်၊ ပျဉ်းမနားမြို့နယ်၊ ဒက္ခိဏသီရိမြို့နယ်နှင့် ဇေယျာသီရိမြို့နယ်များ၌ (၃၁-၃-၂၀၁၈) ရက်နေ့၊ (၁၇:၄၀)နာရီအချိန်ခန့်တွင် လေပြင်းများ ရုတ်တရက်တိုက်ခတ်မှုနှင့်အတူ မိုးသည်းထန်စွာ ရွာသွန်းမှုကြောင့် သစ်ပင်များလဲကျခြင်း၊ ဓာတ်တိုင်အချို့ လဲကျခြင်းများဖြစ်ပေါ်၍ ပြည်ထောင်စု နယ်မြေအတွင်း ဓာတ်အားဖြန့်ဖြူးပေးထားသော ၃၃ ကေဗွီ အမှတ်(၁)၊ အမှတ်(၃)၊ အမှတ်(၆)၊ အမှတ်(၈) ဓာတ်အားခွဲရုံနှင့် ပျဉ်းမနားမြို့နယ်ရှိ ခွဲရုံများ၏ ၃၃ ကေဗွီ နှင့် ၁၁ ကေဗွီ ဓာတ်အားလိုင်း များ ဓာတ်အားပြတ်တောက်မှုများ ဖြစ်ပေါ်ခဲ့ပါသည်။

Post under by : ဝန်ကြီးရုံး
: 03-Apr-2018

ရှမ်းပြည်နယ်(မြောက်ပိုင်း)၊ မိုးမိတ်ခရိုင်၊ မိုးမိတ်မြို့ပေါ်နှင့် အနီးအနားကျေးရွာများအား ဓာတ်အားစနစ်မှ (၂၄)နာရီ ဓာတ်အားဖြန့်ဖြူးပေးနိုင်ရေး ဆောင်ရွက်နေမှုအခြေအနေ

မိုးမိတ်မြို့သို့ ဓာတ်အားစနစ်ဖြင့် ဓာတ်အားပေးနိုင်ရေးအတွက် ၆၆ ကေဗွီ မိုးကုတ်-မိုးမိတ် ဓာတ်အားလိုင်း (၂၄.၆၅) မိုင် နှင့် မိုးမိတ်မြို့တွင် ၆၆/၁၁ ကေဗွီ၊ (၅)အမ်ဗွီအေ ဓာတ်အားခွဲရုံ(၁) ရုံ တို့အား ၂၀၁၄-၂၀၁၅ ဘဏ္ဍာရေးနှစ်တွင် စတင်အကောင်အထည်ဖော် တည်ဆောက်ခဲ့ပါသည်။ ၆၆ ကေဗွီ မိုးကုတ်-မိုးမိတ်ဓာတ်အားလိုင်းနှင့် ၆၆/၁၁ ကေဗွီ ၅ အမ်ဗွီအေ မိုးမိတ်ဓာတ်အားခွဲရုံအား တည်ဆောက်ပြီးစီး၍ (၂၅.၃.၂၀၁၈)ရက်နေ့ (၁၅:၁၃) နာရီတွင် ယခင်မီးစက်ဖြင့် ဓာတ်အားပေး ထားသော မိုးမိတ်မြို့ပေါ် (၄)ရပ်ကွက်အား နိုင်ငံတော်ဓာတ်အားစနစ်မှ (၂၄)နာရီ စတင် ဓာတ်အား ဖြန့်ဖြူးပေးနိုင်ခဲ့ပါသည်။

Post under by : လျှပ်စစ်ဓာတ်အားဖြန့်ဖြူးရေးလုပ်ငန်း(ESE)
: 03-Apr-2018

လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီး ဦးဝင်းခိုင် လျှပ်စစ်နှင့်စွမ်းအင်ကဏ္ဍ ကိစ္စရပ်များနှင့်ပတ်သက်၍ ရခိုင်ပြည်နယ်ဝန်ကြီးချုပ်နှင့် တွေ့ဆုံဆွေးနွေးခြင်း၊ ပြည်နယ်/ခရိုင်/ မြို့နယ် လျှပ်စစ်အင်ဂျင်နီယာများနှင့် တွေ့ဆုံခြင်း၊ စစ်တွေလေဆိပ်ရှိ လေယာဉ်ဆီဖြန့်ဖြူးရေး ဌာနခွဲနှင့် စစ်တွေ ၆၆/၁၁ ကေဗွီ ၊ ၂၀ အမ်ဗွီအေ ဓာတ်အားခွဲရုံအား ကြည့်ရှုစစ်ဆေးသည့် သတင်း

နေပြည်တော်၊ ၂၀၁၈ ခုနှစ်၊ ဧပြီလ ( ၂ ) ရက် လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်သည် ဒုတိယဝန်ကြီး ဒေါက်တာထွန်းနိုင်နှင့် ဌာနဆိုင်ရာတာဝန်ရှိသူများနှင့်အတူ ၂၀၁၈ ခုနှစ်၊ ဧပြီလ ၂ ရက်နေ့ နံနက်ပိုင်းတွင် စစ်တွေမြို့ရှိ ရခိုင်ပြည်နယ်အစိုးရအဖွဲ့ရုံးသို့ရောက်ရှိပြီး ရခိုင်ပြည်နယ် ဝန်ကြီးချုပ် နှင့် ပြည်နယ်အစိုးရအဖွဲ့ဝင် ဝန်ကြီးများအားတွေ့ဆုံ၍ ရခိုင်ပြည်နယ်အတွင်း အကောင်အထည်ဖော် ဆောင်ရွက်သွားမည့် လျှပ်စစ်နှင့်စွမ်းအင်ကဏ္ဍဆိုင်ရာ ကိစ္စရပ်များအား ပူးပေါင်းဆောင်ရွက် သွားရေးနှင့်ပတ်သက်၍ ညှိနှိုင်းဆွေးနွေးခဲ့ပါသည်။

Post under by : ဝန်ကြီးရုံး
: 02-Apr-2018

The Republic of the union of myanmar

MINISTRY OF ELECTRIC POWER

Total visitors

နောက်ဆုံးရသတင်း

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

လျှပ်စစ်စွမ်းအားဝန်ကြီးဌာန ဝန်ထမ်းမိသားစု စုပေါင်းထမနဲထိုးပြိုင်ပွဲ ကျင်းပပြုလုပ်သည့်သတင်း

Electric Power

Total visitors